ياترى ده حصل مع حد منكم...؟ وعمل ايه...؟

ميرسي علي السؤال ده مش هتصدقي ميرو انا كنت محتاجه السؤال ده ازاي زي ما يكون جه في وقته الموقف ده حصليي بس مش لدرجة التغيير الكبيره ده ودا كان مع اعز صاحبه ليا ممكن اعتبرها ان هي الحاجه الوحيده الي طلعت بيها من الدنيا احنا اصجاب من ابتدائي لكن في سعات بتحصل مواقف بحس اني اول مره اعرفها بس ممكن يكون دا عادي لاننا كبرنا واتغيرنا بس حاسه برضو انها مش زي الاول احنا دلوقت في تالته كليه الناس كانو بيحسدونا اننا مع بعض من ابتدائي في حجات بسيطه بتحصل بس هي عندي كبيره زي مثلا لما نروح المحاضره طبعا لينا اصحاب كتير الاول كانت بتحرص انها تقعدجمبي في البنش دلوقتي عادي ممكن تقعد مع حد تاني كنت لما اتكلم تهتم دلوقتي ممكن اكلمها ما تهتمش وتقول كلام تاني او تسمع حد تاني
بصراحه الي بيحصل ممكن يكون عادي بس ده لو كان مع حد غيرها ما كنتش ههتم بس هي لاء
بعد ده انا ما بقيتش اثق في حد خالص وكمان ما عنتش اصدق حاجه اسمها صداقه بس بحاول اكمل معاها لاني بجد من غيرها ممكن اضيع شكرا لانك ادتينا الفرصه دي علشان نفضفض بجد كنت محتجاها

ممكن ارد على صفا الاول _الصداقه موجوده يا صفا ولسه ياما حتقابلى ناس ممكن تعرفيهم فى ايام بس يحبوكى ويقدروكى ويسمعولك اكتر مليون مرة من صحاب عشت معاهم سنين_انا بقولك كده لانى فعلا جربت المواقف دى والحمد لله ربنا بيعوض الواحد بناس تحبه فعلا وتقدر حبه ده _ناس تحترمه وتخاف عليه_وان غبت يوم واحد عنهم يقولولك (وحشتينى)كانها طالعه من حبيب مش صديق حبيب..فاهمانى يا حبيبتى
متزعليش من صاحبتك دى ومادام انتم صحاب كده قوليلها عن تغييرها ده واعرفى وجهة نظرها يمكن تكونى عملتى حاجه معاه بحسن نيه بس هيه فهمتك غلط وعلشان كده اتغيرت

اما ميرو القمر دى فانا بشكرك جداااااااااااااااااااااااااااااااااااااااا على موضوعاتك دى اللى بتمس القلب قوى وبتحسسنا اننا فعلا عايشينها كل يوم وبنقابلها كل يوم_بجد تسلم ايدك والله
انا بقى للاسف قابلت صديقه كده_عرفتها من 1 اعدادى وفضلنا صحاب قوى لحد السنه دى وللاسف حصل موقف حسستنى انها ما صدقت تخلص منى لانها مبقتش تعبرنى خالص وللاسف لانى بحبها حاولت اكتر من مرة افهم وجهة نظرها واعرف ايه سر التغيير ده بس هى تقريبا خلاص فما كان منى الا انى احفظ كرامتى وابطل بقى اتزل ليها وانا عارفه انها حترجع تانى لانى عارفه انها حتحتاجنى_مش غرور والله_بس فيه ناس كده مش بتلجالك غير لما تحس بقيمتك وتحس انك فعلا ليك دور فى حياتها
والحمد لله ان ربنا عوضنى بصحاب زيكم الواحد يقدر يفضفض معاهم براحتهويسمعوله كمان_شكرا ليكى ميرو

ميرسي ايمي

جميل اوى موضوعك ياميرو ودايما يارب فى تألق فى كل حاجه فى حياتك..........بصى هو الموضوع ده لو حسناه من اى حد حولينا لازم طبعانسال عن السبب لان دايما بيبقى فى سوء تفاهم بس بالنسبه لى افضل الصمت لانى شايفه ان الكلام لاهيجيب ولا هيودى ...لانك لو صارحتى الشخص ده وسالتيه بعدها هيضطر يبقى كويس معاكى ويحاول يبرر موقفه وده ممكن يكون من باب الذوق ياما هيتمادى اكتر وفى الحالتين مينفعش فانا رايي ان التغيير لازم يكون منه هو ؟؟؟؟؟؟؟؟..

ميرسى اوى ياجماعة على مروركم وردودكم وميرسى ليكى اوى ياايمان كلك زوق انتى اللى قمر