عندك اصدقاء مصلحه ؟؟؟؟

بسم الله الرحمن الرحيم
السلام عليكم ورحمة الله وبركاته

حقيقى حاجة تزعل
اصدقاء المصلحه ........

تدخل عليكى الواحدة كده باسلوب
وطريقة تمثيلية رائعة تلاقيها
كده تغمرك كلام معسول
وتعاتبك على المقطاعة وانها متألمة لفراقك ده
وتفضل تحلف انك واحشتيها
وانها كان نفسها تشوفك
ويسلام لو انتى اللى متصلة تلاقيها على طول انتى بنت حلال لسه على بالى وكنت هتصل بيكى .. هه
وطبعا عشان تكمل التمثيلية
تسأل على عيلتك فردا فردا
وتستمر طبعا فى اداء الدور
لما تطمئن انه اقنعتك انها دى مشاعرها الحقيقية
وهنا بقى تبدى تطلب الطلب ماذا تريد
والى مااتى بها اليكى ؟؟؟؟؟؟؟؟؟؟!!!!!!!!!!

وطبعا اللبعض بيتذاكى
وتسيبك كده ايام دون ان تقول لكى كلمة ومن خلال انها ماتصلتش عشان مصلحة (( مـا ))
لكنها تعود بعد ايام تدخل مباشرة فيما تريد
مع مقدمة (( سخيفة )) وتطلب منك ماتريد

هذا النوع من الاصدقاء لانراهم الا وقت حاجتهم
ولانلمس منهم الاهتمام بعلاقتهم بنا والتودد الينا
الا في فتره معينه
ان بحثنا عن جوهرها لوجدناها مصلحتهم اولا واخيرا
وان مجرد الاهتمام الذي يحيطوننا به
ماهو الا اهتمام مؤقت يزول باانتهاء مايريدونه ..

\\\

وتضحكى جواكى بسخريه
وانتى بتواجهى النوعية دى من
الاصدقاء
اللذين لايظهرون الا في فترات (( مصلحيه )) محضه
والمصيبه الكبرى
انهم يتلذذون بنشوة ذكائهم
عندما يشعرون بانكى لم تنتبهى
الى سلوكهم ذاك فتنطلي عليكى المسرحيه
التي يبدعون في حَبك قصتها ..

\\\

حياتنا مليئه باصدقاء الحاجه اصدقاء المصلحه
اللذين لاتراهم حين تريدهم
ولكن عندما يريدوون ..
وكيف ما تملي عليهم مصالحهم واغراضهم ..

اخيرا ..

كيف نواجه من هم بمثل هؤلاء هل نجاريهم ؟؟
ام نكشف حقيقتهم ؟؟

برأيي ان
نرد على ذلك الشوق المزيف
بان نكشف لهم حقيقتهم الخداعة
ونشعرهم بان مصلحتهم
هي التي جلبتهم الينا
ونعتذر اليهم بنفس اسلوبهم
ليعلمو ان التعامل مع الاصدقاء
لايجب ان ينبني على المصالح
فالصداقه اصدق واسمى العلاقات تترفع عن امثالهم ...

التقــــــــــــــــــــــــــــيم ياقمرات

شكررراااا منااااال وفعلا وللاسف النوع ده موجود كتيييييييير جدا_بس انا يا منال للاسف مبعرفش اكسف حد بيحتاجنى خالص حتى لو عارفه انه بتاع مصالح وبس بس بقول يمكن لما انا اكون كويسه معاه وشايفنى بحبه بجد يمكن يتغير ويعدل من طريقة تفكيره الغبيه دى ويا ما كان فيه صداقات قامت على المصلحه فى بدايتها بس لما كل شخصية قربت من التانيه فعلا بدات فترة صداقه بنوايا صافيه وبدون مصالح__شكررااا منال مرة تانيه لانه بجد موضوع يستحق النقاش وياريت الكل يشارك فيه ويدينا رايه لانه اكيد حيفيد

شكرا على موضوعك الجميل يا منال
وطبعا اكيد كل واحد فينا صادف النوع دا من الاصدقاء كتييييييييير
جدا فى حياته بس زى ما ايمان قالت فعلا الواحد مبيعرفش يكسف حد حتى لو معرفته بيه سطحيه

ميرسي ايمان وامل ردودكم اسعدتني اوي وانا كنت محتاجه اخد ارائكم في الموضوع ده بس يا ايمان انتي بتقولي مبتحبيش تكسفي حد انا موافقه علي رايك ده ودي ميزه فيكي بس في نوع بتبقي صداقة المصلحه دي واضحه عنده اوي لدرجه تخليكي تكرهي نفسك مش عارفه بجد النوع ده اعمل معاه ايه سعات بطنش واقول مش مهم اهي مره بس لما تلاقيها طول الوقت نفاق وكدب وقدامك بوش ومن وراكي بوش تاني اكيد هتكرهي نفسك وانا بحب اتعامل مع كل الناس بنيه صافيه واحبهم يعاملوني كده بس في معظم الاخيان بلاقي العكس عالعموم بقول ربنا يهدي الجميع وميرسي تاني ايمان واموله علي مشاركتم ليا في الموضوع ده بجد ردودكم افادتني كتير