وطنى حبيبى الوطنالاكبر ..يوم ورا يوم بيروش اكتر

بما اننا هنتكلم عن الوطنيه لازم نعرف مين هو مثال الوطنيه عند الشباب ومين هو مثلهم الاعلى فى الوطنيه ...وطبعا كالعاده مفيش حد اجتمعت عليه الاراء بس احنا توصلنا للنتيجه اللى هنعرفها من خلال الف شاب فى جامعهات عين شمس والقاهرة والسويس وبنها وهذه هى النتيجه.

فى المرتبه الاولى جه عمرو خالد بنسبه45% لان هدفه توعيه الشباب ونصحهم ..الشباب اعتبروا عمرو خالد مش داعيه دين وبس ده كمان مصلح اجتماعى

اما عن المرتبه الثانيه فشغلها عمرو دياب والشباب اختاروه لانه مطرب ناجح ومتفوق فى مجاله ..دياب حصل على 25% من الاصوات والشباب اختاروة بعيد عن الغناء نهائيا
اما المركز الثالث فاحتله واحد مش مصرى وهو سامى يوسف بنسبه 20% والشباب اختاروه لانه بيحاول يقرب منهم باسلوبهم ويعرفهم احوال وتقاليد الدين بطريقه متفقه مع تفكيرهم العصرى ومش بس كده ده بيحاول يظهر اداب الاسلام واخلاق العرب فى كليباته التى يراها العالم كله .
فى المركز الرابع جاء الكاتب بلال فضل بنسبه 9% والشباب اختاروا بلال لانه بيحل مشاكلهم باسلوبهم والشباب قالوا انه قريب جدا منهم وحاسس بيهم ومش بينافق على حساب مصلحتهم


كده يبقى مثال الوطنيه عند الشباب عمرو خالد وعمرودياب وبلال فضل!!!!!!!!!

ماشاء الله..طول عمر المصريين بيحبوا التنوع...بس انا شايفه ان كل واحد فينا جواه وطنيه
اينعم احنا مش مرتاحين ولا مكرومين فى بلادنا بس بنحبها وبندعى دايما ربنا يصلح احوالها..بنحبها قوى قوى وبنعتز اننا مصريين رغم كل السوء اللى عيشينه فيها