حملة مقاطعه مسلسلات رمضان ........مين معايا ؟؟؟

قال رسول الله صلي الله عليه وسلم لاصحابه في اول ليله من رمضان اتاكم شهر شهر مبارك فرض الله عليكم صيامه تفتح فيه ابواب السماء وتغلق فيه ابواب الجحيم وتغلل فيه مردة الشياطين لله فيه ليله خير من الف شهر من حرم خيرها فقد حرم يا جماعه طبعا الكل بيستعد لرمضان بطريقته فيه اللي بيشتري خزينه من اللحمه والرز والياميش والحلويات وفيه اللي بيستعد بتحضير الخيم الرمضانيه وطبعا القنوات بتستعد بحمله من برامج الاكل وبرامج المقالب والمسلسلات الهابطه وحتي بتوع الاعلانات بيزودا الشحنه فيااخواني واخواتي ربنا اعطانا هديه مبتجيلناش غير كل سنه هديه عظيمه شهر اوله رحمه واوسطه مغفره واخره عتق من النار يعني لو ضيعنا الفرصه دي يبقي مفيناش خير فبالله عليكم حاولوا تستفيدوا بكل لحظه وكل فيمتو ثانيه من رمضان متخليش لسانك يتوقف عن الذكر دي الحسنات مضاعفه ونظموا وقتكم ومتنسوش القيام ويكون بجزء غير الورد حاولي تختمي القران اكتر من مره ومتنسوش الصدقه علي الفقير ده الشهر ده عشان الغني مننا يحس بجوع الفقير واوعوا تنسوا الدعاء اهم حاجه الدعاء للصائم عند فطره دعوه لا ترد خصصوا كل يوم دعوه ادعوها وكمان اكثروا من النوافل فالاجر مضاعف والطاعات دي كلها هتعملوها لما تقاطعوا المسلسلات اللي ملهاش اي فايده واللي معموله خصيصا عشان تضيع مننا الشهر العظيم اللي محدش فينا يعرف هيقدر يعيشه تاني ولا ممكن نموت قبل رمضان اللي بعده فبالله عليكم بلاش تضيعوا الفرصه واذا لقيتوا ان في مسلسل هادف يبقي بعد رمضان اوعوا تطيعوانفسكم النفس اماره بالسوء وعلي فكره قناة الرساله عملةاستعداد جامد قوي ببرامج تحفه منها الجزء التاني من قصص القران لعمرو خالد وان شاء الله هجيبلكو مواعيد البرامج حملة مقاطعه مسلسلات رمضان ........مين معايا ؟؟؟ Mood4

حملة مقاطعه مسلسلات رمضان ........مين معايا ؟؟؟ Mood4

يلا مين هيكون معايا في المقاطعه0000000000000000000

فعلا موضوع خطير يا منال

انا معاكم باذن الله

ولازم كلنا فعلا نقاطع المسلسلات التافهة والافلام الفاسدة دي

اللي مفيش من وراها اي خير والله

في ناس هتقول انها مش قادرة تسيب التليفزيون وبقولهم مش هتقدروا تسيبوا التليفزيون شهر علشان خاطر ربنا

والله لو واحد حبيبك قوي وطلب منك انك تسهر معاه وهو مريض

هتنفذ كلامه وتسيب التليفزيون والمسلسلات والافلام

المتخلفة اللي بتتعرض دي

فما بالكم ان ده شهر العتق من النار

مابقاش يفرق معانا يعني ان ربنا يعتق رقابنا من النار وللا لا؟

خلاص يعني مستغنيين عنه سبحانه وتعالي

والله انا قبل ما اسيب المسلسلات والافلام والكلام الفاضي ده

كنت لما اصلي التراويح واجي اتفرج علي مسلسلات وافتكر الدعاء اللي

كنت بدعيه في الصلاة ان ربنا يغفر لنا ويعتق رقابنا من النار

كنت بلاقي العملية مش ماشية مع بعضها

ازاي كنت من شوية بدعي ربنا ودلوقتي قاعد اتفرج علي ممثلات نص اجسامهم باينة في شهر

زي ده؟ ازاي ينفع ربنا يستجيب دعائي

والله كنت بحزن علي نفسي لكن الحمد لله ربنا هداني ومنعت كل الكلام الفاضي ده

ومسحت الافلام من علي الهارد والحمد لله حاسس دلوقتي بارتياح رهيب

صدقوني والله يا جماعة اللي مع ربنا عمره ما بيتعب ولا بيبقي مهموم

هو الموضوع في اوله هيبقي صعب شوية بس ربنا هيثبتكم ان شاء الله

وهتلاقوا الموضوع سهل ان شاء الله.

يسلموووووووووو موضوع رائع
انا معاكم باذن الله
ربنا يهدينا للصح دايما
ويثبتنا على الحق جميعااااااااااااا

ميرسي اوي ليك يا مستر علي اراءكم ونصايحك الجميله دي وربنا يقبتنا جميعا وانشاء الله ربنا معانا

وميرسي ليكي يا روني علي مرورك العطر

ربنا يوفقك الجميع

الله المستعان