انزه رئيس فى مصر ... و اللى مش عاجبه يشرب م البحر

انزه رئيس فى مصر ... و اللى مش عاجبه يشرب م البحر

منقــــــــــول

مع ان الجرايد كالعادة مفيهاش حاجة ... الا انى
كالعادة برضه مش افوتها .. ده انا حتى مش بافوت منها كلمة مع انها كلها مستفزة
المهم النهاردة السبت و طبعا مدمنين الجرايد اللى زيى عارفين ان السبت ده بتاع اخبار اليوم .. جبت اخبار اليوم و لسه ما قريتهاش بس فى ربع خبر كده فى الصفحة الأولى لفت نظرى .. لا مش حسنى عبدربه
ايوة حسنى التانى .. قصدى حسنى الأول ملك مصر المعظم
المهم الخبر بيقول انه قال ايه فخامة امير منطقة تبوك فى السعودية بيجامل الريس بتاعنا و بعت له كرتونة بلح لحد كده الخبر عادى
اللى مش عادى بقة انه مندوب الرئاسة لما جه يستلم الكرتونة أصر يدفع الجمارك .. قوم ايه الموظف بتاع الجمارك اتصل على فخامة الوزير يوسف بطرس دراكولا .. قصدى يوسف بطرس غالى ... و يقول له مندوب الرئاسة يا فندم مصمم يدفع
تخيلوا بقة ايه اللى يحصل ... الأخ دراكولا قال له و ازاى ما كنتش عايزه يدفع ؟؟ و كمان قال له ما تنساش تضيف ضريبة المبيعات
و حصل و الريس دفع 65 جنيه ... منهم 30 للجمارك و 35 ضريبة مبيعات
شفتوا النزاهة ؟؟؟ و قال ايه الكلاب الوحشين تاهميت الراجل الطيب النزيه فى البلاوى اللى احنا فيها
و طبعا اللى كاتب الخبر عايز يقول انه الراجل الطيب ده مالوش فى المصايب دى كلها .. الحكومة هى اللى مسئولة .. حتى لما عرف ان الحكومة هاتغلى البنزين .. نزل للموظفين علاوة
طبعا بيعيدوا لعبة عبد الناصر و مراكز القوى
لكن حتى لو كان ده حقيقى تبقى شهادة ليه .. مش عليه
لأن عمر القرود ما تتنطط على اكتاف الأسد ... لكن طول عمرها بتتنطط على اكتاف الحمار
و ان ما كانش اسد يسيبها لأسد حقيقى

توبيك رائع أوى ...

مش عارف فى ناس كتير - ده إذا مش كان كل الناس - مش بتحب بابا حسنى ... مع انى أعتقد أنه مش وحش ... اللى حواليه هم اللى وحشين ... لكن أعتقد أنه أنسب واحد يقدر يدير مصر فى الفترة اللى احنا فيها دى ... أنا مش بدافع عنه ولا حاجة ... الحكاية أنه ممكن تقولوا عليه أنه الرئيس المناسب ... بس هو محتاج شوية تقويم ... يعنى مش يمشى وييجى واحد غيره .
دى وجهة نظرى ممكن أى حد يختلف معايا ... طبعا ده من حقه ... لكن حقى برضه أن أعبر عن رأيى .
نايس توبيك
شــــــــــــــــــــــــــــــــــــــــــــكرا