AllNeW4U

AllNeW4U

اوول نيو فور يو كله جديد في جديد
 
الرئيسيةالمجلةس .و .جبحـثالتسجيلدخول

WashHeart
المواضيع الأخيرة
» النجاح والفشل
الثلاثاء 20 نوفمبر 2012, 11:36 pm من طرف MR HEMA

» عفوا..أنت لست وسيما
الثلاثاء 20 نوفمبر 2012, 11:34 pm من طرف MR HEMA

» كيف دخلت هذه البرتقاله داخل هذه الزجاجة الصغيرة ؟
الثلاثاء 17 يوليو 2012, 9:44 pm من طرف MR HEMA

» نصائح اسلامية بالصور
الثلاثاء 17 يوليو 2012, 9:39 pm من طرف MR HEMA

» نتيجة الثانوية العامة 2012
الإثنين 16 يوليو 2012, 6:15 pm من طرف MR HEMA

» الرئيس محمد مرسي يبدأ تأدية مناسك العمرة 2012-07-12
الخميس 12 يوليو 2012, 4:26 am من طرف MR HEMA

» بالصور : استقبال رئيس الجمهورية بالمملكة العربية السعودية
الخميس 12 يوليو 2012, 12:32 am من طرف MR HEMA

» حلقة رائعة مع المذيع الذي خلقه الله بدون يدان ويكتب بفمه ويشعل النار بفمه
السبت 07 يوليو 2012, 1:13 am من طرف MR HEMA

» دعاء اللهم بلغنا رمضان ناصر القطامي
الخميس 05 يوليو 2012, 10:30 pm من طرف MR HEMA

» أجمد حلقة عن الرئيس محمد مرسي - أخيراً بقي عندنا رئيس منتخب - الشيخ مسعد أنور
الثلاثاء 03 يوليو 2012, 11:34 pm من طرف MR HEMA

» رسالة الي السيد الرئيس - خطبة خطيرة جدا ومنتهي الروعة للشيخ محمد حسان 29-06-2012
السبت 30 يونيو 2012, 4:25 am من طرف MR HEMA

» صور حصرية من لقاء الشيخ أبي اسحاق الحيوني علي قناة الناس مع المخرجين وطاقم العمل
الجمعة 29 يونيو 2012, 4:40 am من طرف MR HEMA

» سلسلة أحداث النهاية للشيخ محمد حسان بجودة عالية . لينكات مباشره
الأحد 24 يونيو 2012, 1:49 pm من طرف MR HEMA

» Afla.Yaaklon.[FullPack]افـلا يـعـقـلـون - د.زغلول النجار. كامل. لينكات مباشرة
الأحد 24 يونيو 2012, 1:43 pm من طرف MR HEMA

» كيف تتعامل مع الله الجزء الثانى كامل لينكات مباشرة
الأحد 24 يونيو 2012, 1:40 pm من طرف MR HEMA

اخترنا لــــــــــــكـــــــــ.........
ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث

شاطر | 
 

 طب أنا راضي ضميرك .. إحنا مجعلصنها ولا لأ ؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سنيوريتا
عضو محترف
عضو محترف


عدد الرسائل : 284
العمر : 28
نقاط : 369
تاريخ التسجيل : 10/03/2009

مُساهمةموضوع: طب أنا راضي ضميرك .. إحنا مجعلصنها ولا لأ ؟!   الجمعة 29 مايو 2009, 12:57 pm

طب أنا راضي ضميرك
إحنا مجعلصنها ولا لأ ؟!



أعتقد إن الانسان اللى بيعرف يحط حد فاصل بين أى حاجتين بينهم شعره الراجل ده يستحق جايزة عم شمندي بتاع الفراخ ..تفتكر إنت مثلا تعرف تميز الحد الفاصل بين الهيافة والترويح عن النفس ؟! .. طيب تقدر تميز الحد الفاصل بين الحقيقة والجعلصة ؟! .. أنا حَسَنُ الظن بكم جميعا لكن ده لا يمنع إن فيه ناس كتير تايهين وخصوصا من الشباب والسبب أولا وليس أخيرا – لأن فيه اسباب تانية – هو الإعلام .. يعنى مثلا لما عمرو أديب عمل حلقة مخصوص من بيروت مع هيفاء وهبي علشان تحكي عرفت جوزها إزاي وتتفضل وتتكرم إنها تفرّج الناس على الشبكة بتاعتها والأهم بأه تقول للناس حقيقة اللى حصل فى الفرح بتاعها .. ساعتين تقعدهم مع هيفاء علشان التفاهة دي .. ده فى عرف الأعلام سَبْق وفى عُرف الناس اللى بتقدر قيمة الوقت أولاً وبتحترم عقلها إن ده عبط وهبل .. وبرضه منى الشاذلى شافت ان عمرو أديب ما خلصش كل حاجه لازم بأه تجبها تاني وتعمل حوار هايف لا يهم المواطن العادي فى أى حاجه غير أنه يحرق دمه وخلاص ..
واللى كان قبل ده وده هى الصحافة والاعلام بشكل عام اللى عملوا قضية الساعة على فرح هيفاء وهبي .. فيه ناس ممكن تقولك عادي يعنى بنتسلى وكل واحد حر .. وهو فعلا كل واحد حر والغرض موش انى أجبر حد أنه يتفرج على حاجه معينة ولكن إحنا بنرصد بتفكير فى المجتمع أعتقد إنه من حقي إني أقولك عليه غلط حتى لو انت موش شايف ده .. التفكير ده غارق فى قمة التفاهة .. وهوفى كل الاحوال موش بيفرق بين التفاهة والترفيه ..فاللى بيقعد بتقرج على هيفاء وهبي ساعتين فى حوار ممل هل هو مثلا عنده القدرة انه قعد نص ساعة قدام أى برنامج دينى علشان يعرف دينه ؟! .. المشكلة ان فيه ناس لغاية دلوقت عَدِت الــ 30 سنة وهى موش بتعرف تتوضأ وده انا شفته بنفسي موش مجرد كلام وخلاص .. لما نقارن ده بده حنعرف مدى التفاهه اللى وصلنا لها ..

والاخطر من ده كله إننا نقعد نعمل مناظرات فكرية على المدونات والمنتديات مين أحسن عمرو دياب ولا تامر حسنى ؟! .. ونطَلّع بأه التعبيرات والمصطلحات ونقول عمرو دياب هو الهضبة وتامر حسنى هو نجم الجيل ونعمل عداوات ونقعد نشتم بعض علشان كل واحد متعصب للنجم بتاعه .. وكله فى الأخر هيافة فى هيافة .. ومحدش نافعك بحاجه لا عمرو دياب ولا تامر حسنى .. كل طرف عمال يكوش الملايين وإنت ما ينوبك غير تكوين العداوات ومضيعة وقتك وغضب ربنا سبحانه وتعالى .. ولإننا عارفين ايه الصح وايه الغلط .. عارفين ان حفلات عمرو وحفلات تامر فى العُري سواء وفي الاختلاط سواء فكلهم زى بعضهم وكله محصل بعضه .. بتسمع فلان ومعجب بيه ده شىء راجعلك لكن الهوس والجنون اللى بنشوفه ده هو خروج وتعدي عن الحد الفاصل بين الاعتدال والجعلصة .. ولأني أحب أعقد المقارنات علشان الامور توضح على الاقل بالنسبة لي تعالى نشوف موقف الشباب دول اللى بيعملوا معارك على عمرو ولا تامر من قضايا الأمة .. والله أبيض يا ورد .. موش مطلوب منهم يكونوا صلاح الدين علشان الحكاية دى موش بالتمني .. ولكن نشوف هجوم على الدين والكل مكبر ..حتى محدش فكر انه يستفيد بوقته ويقرأ شوية فى دينه علشان يعرف إيه الصح وإيه الغلط .. مسلمين بيموتوا فى كل حته وهو موش عارف حاجه حتى موش بيفكر يدعى لهم ..فيه تغييب لكثير من العقول هل ده عمداً ولا لأ ؟! .. الله أعلم .. بس اللى أعتقده يقينا إن إسرائيل حتكون فرحانه بيكم وانتوا بتتناقشوا وبتتعاركوا فى هل عمرو دياب احسن ولا تامر حسني .. موش بعيد تعملكم برنامج مخصوص فى القناة الإسرائيلية الأولى لتُشيد بالشباب المثقف المصري اللى بيتناقش فى قضية حيوية وهى قضية الهضبة ولا نجم الجيل ؟! ..أنا موش بقول أى كلام هى فعلا فرحانه أصل العالم دي موش بتقلق غير من الجد .. طب أنتوا عارفين الكاتب محمود عوض ؟! .. موش تعرفه ؟! .. موش مهم .. أنا حقولك .. الراجل ده زمان فى الإذاعة المصرية كان بيقدم برنامج مدته خمس دقائق فقط لا غير .. كان بيتكلم فيه عن إسرائيل وبيوعى الشباب وبيعرفهم بالعدو الصهوينى .. المهم ان الخمس دقائق بتوع (محمود عوض) أزعجت إسرائيل لدرجة إن أيام النكسة الضباط المصريين اللى وقعوا أسرى فى يد اليهود كانوا بيسألوهم بتسمعوا برنامج محمود عوض ولا لأ ؟! .. ولما إتعملت معاهدة السلام كان من طلبات اليهود وقف برنامج محمود عوض ؟! ..

أنا موش ضد الانسان يرّفه عن نفسه ولكن تباه الامور واضحة ومحددة فعمرو دياب ولا تامر حسنى مغنى وخلاص ..لا ده ولا ده اللى حيجدد الدين ولا واحد فيهم اللى حيعيد عِزَة الاسلام .. طلع ولا نزل مغنى وإنتهت القضية .. ونفس الكلام يتقال على الممثلين والممثلات إحنا ليه مجعلصين الأمور أوي وبنكبر الحكاية أوي ونقول على الممثل الفلاني صاحب التاريخ العريق والكلام ده وبص لأفلامه اللى عملها طوال حياته من ايام ما طلع تلاقيها افلام هايفة ويطلع لنا بمانشت فى الجرايد "أنا رفضت الفيلم الفلاني لإنه إهانة لتاريخي الفني" .. أى تاريخ وكل أفلامه هابطة ؟! .. وأى تاريخ للممثلة الفلانية وهى طالعة عارية تماما فى فيلم من الافلام اللى بتتباع تحت بير السِلم ؟! .. مكبرين ومجعلصين الحكاية لدرجة إنهم بدأوا يستخفوا بعقول الناس فبعد أن بذلت الممثلة اللامعة مجهودا كبيراً فى المشهد اللى إغتصبوها فيه طلعت وقالت للإعلام يا جماعة المشهد ده له مبرراته الدرامية .. طب إيه مبرراته الدرامية يا ست الفليسوفة ؟! .. تقولك مشهد الاغتصاب ده إشارة إلى إغتصاب فلسطين .. شفت الضحك على الناس بيتم إزاي؟! .. حتى فى مشاهد الجنس بيتاجروا فيها بقضية فلسطين .. طيب الناس دى واخدة أكتر من حقها ولا لأ ؟! ..طب لو حبينا نشاور على كام فنان محترم حقيقى وبيحترم عقول الناس حنطلع بكام واحد !.. أنا حسيبك تعد ولكن قولى وبصراحة وأنا راضي ضميرك إحنا مجعلصنها ولا لأ ؟!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صـعـ miss manal ـب المنال
مشرف
مشرف


عدد الرسائل : 1013
العمر : 28
نقاط : 1710
تاريخ التسجيل : 25/03/2009

مُساهمةموضوع: رد: طب أنا راضي ضميرك .. إحنا مجعلصنها ولا لأ ؟!   الجمعة 29 مايو 2009, 7:20 pm

رانيا الموضوع شكله شيق بس انا هخليه للاجازه عشان ازاكره كويس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سنيوريتا
عضو محترف
عضو محترف


عدد الرسائل : 284
العمر : 28
نقاط : 369
تاريخ التسجيل : 10/03/2009

مُساهمةموضوع: رد: طب أنا راضي ضميرك .. إحنا مجعلصنها ولا لأ ؟!   الجمعة 29 مايو 2009, 7:53 pm

ههههههههههههه اوك
كفايه عليكى دلوقتى الفلسفة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohammad 3amer
عضو متميز
عضو متميز


عدد الرسائل : 78
العمر : 28
نقاط : 97
تاريخ التسجيل : 10/03/2009

مُساهمةموضوع: رد: طب أنا راضي ضميرك .. إحنا مجعلصنها ولا لأ ؟!   السبت 30 مايو 2009, 10:45 am

شكرا رونى بس ممكن اعرف يعنى ايه مجعلصنهااااا ههههههههههههههههههه
شكرا يا عسسسسل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
برنسس صفا
عضو محترف
عضو محترف


عدد الرسائل : 264
العمر : 27
نقاط : 448
تاريخ التسجيل : 21/04/2009

مُساهمةموضوع: رد: طب أنا راضي ضميرك .. إحنا مجعلصنها ولا لأ ؟!   الأحد 31 مايو 2009, 7:38 pm

رون كبري ي نايس توبيك بسسسسسسسسسسسسسسسس؟؟



انا اتعميييييييييييييييييييييييييييت Rolling Eyes
كبري الخط شويه لله حرام عليكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سنيوريتا
عضو محترف
عضو محترف


عدد الرسائل : 284
العمر : 28
نقاط : 369
تاريخ التسجيل : 10/03/2009

مُساهمةموضوع: رد: طب أنا راضي ضميرك .. إحنا مجعلصنها ولا لأ ؟!   الأحد 31 مايو 2009, 9:46 pm

يسلموووووووووووو جميعاااااا
بقى انت يامودى مش عارف مجعلصنها ههههههههه يعنى ايه
يعنى مجعلصنها من الجعلصة ههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sally
عضو ذهبـــــــــــي
عضو ذهبـــــــــــي


عدد الرسائل : 94
العمر : 28
نقاط : 92
تاريخ التسجيل : 12/03/2009

مُساهمةموضوع: رد: طب أنا راضي ضميرك .. إحنا مجعلصنها ولا لأ ؟!   الأحد 31 مايو 2009, 11:04 pm

صح مجعلصينها يارونى
ثانكس على التوبيك ياجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سنيوريتا
عضو محترف
عضو محترف


عدد الرسائل : 284
العمر : 28
نقاط : 369
تاريخ التسجيل : 10/03/2009

مُساهمةموضوع: رد: طب أنا راضي ضميرك .. إحنا مجعلصنها ولا لأ ؟!   الأحد 31 مايو 2009, 11:24 pm

تسلمى يا سولى يا قمررررررررر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ايمان
عضو محترف
عضو محترف


عدد الرسائل : 486
العمر : 28
الموقع : فى الفردوس الاعلى نلتقى_ان شاء الله
نقاط : 513
تاريخ التسجيل : 25/03/2009

مُساهمةموضوع: رد: طب أنا راضي ضميرك .. إحنا مجعلصنها ولا لأ ؟!   الإثنين 01 يونيو 2009, 1:31 pm

جميييييييييل يا رونى بس بالله عليك الخط كبريه شوية ده انا بشوف الكلام العادى بالعافيه .......والله فعلا احنا مجعلصينها قوى قوى قوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سنيوريتا
عضو محترف
عضو محترف


عدد الرسائل : 284
العمر : 28
نقاط : 369
تاريخ التسجيل : 10/03/2009

مُساهمةموضوع: رد: طب أنا راضي ضميرك .. إحنا مجعلصنها ولا لأ ؟!   الإثنين 01 يونيو 2009, 3:53 pm

هههههههههههه
حاضر يا ايمى هبقى اكبره ليكى انتى وصفا
ميرسى على الردود ياقمرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طب أنا راضي ضميرك .. إحنا مجعلصنها ولا لأ ؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
AllNeW4U :: المنتديات العامة :: المنتدي العام-
انتقل الى: